Back بيغ كوميك Arabic Big Comic Catalan Big Comic German Big Comic English Big Comic Spanish Big Comic French ビッグコミック Japanese 빅 코믹 Korean Big Comic Portuguese Big Comic Russian
Big Comic (japaneg : ビッグコミック) a zo ur magazin manga seinen a vez embannet div wech ar miz e Japan gant Shōgakukan. Embannet eo bet evit ar wech kentañ d'an 29 a viz C'hwevrer 1968. Miziek e oa pa voe krouet met abaoe miz Ebrel 1968 e vez embannet div wech ar miz, d'an 10 ha d'ar 25. Liammet eo ouzh Big Comic Original, a vez embannet er sizhunioù ma ne vez ket embannet Big Comic Original. E 2008 e veze skignet ouzhpenn 500 000 skouerenn. E-barzh Big Comic ez eus bet embannet mangaoù meur a vangaka brudet evel Osamu Tezuka, Shotaro Ishinomori, Sanpei Shirato, Takao Saito, Fujiko Fujio (A), Fujiko F. Fujio ha Tetsuya Chiba. War golo Big Comic e kaver bepred flemmskeudenn un den brudet savet gant Shūichi Higurashi.